Home Cerca Contatti La Chat Iscrizione News Libro degli Ospiti Registro Visitatori Come Contattarci Come Arrivarci Cultura Storia Poesie Vocabolario Articoli Notizie Canti e Musiche Prodotti Artigianato Locale Prodotti Locali Ricette Cucina Locale Ricette Liquori Foto Foto del Paese Album dei Ricordi Il Venerdì Santo Soc. Vallatese Area Riservata Forum Bacheca Utilità Info sul Comune Cartoline Calcolo Codice Fiscale Calcolo IUC Links Utili Numeri Utili Feste Moduli Compilabili Novità

Crì ... crì...crì
di Gennaro Ciampolillo

Né uagliò, sient' stu fatt’.
Robba vera nun so matt.
Era luglio e chian' chian'
s' m'tev' ormai ru gran'.

Ra r' sei, già, là stev';
‘mbè, la fam' s' sintev'.
E pensatt', sott a st'urm'
prim' mangj e po' t'adduorm.

Arr'vat' a mezza sera,
a la spasa, tutt'attuorn'
ij, tre figli e la mugliera:
carn', sug' e maccarun'.

Stesa 'nterra na tuvaglia,
ra lu sol' arr'parat'.
Fra la robba apparicchiat'
steva pur' na buttiglia.

Rint' a l'er'va, cantava,
r' nascuost', nu gr'lluzz',
crì, crì, crì, s'arricriava,
piccirill'... nu p’luzz.

Po', zumpann', in tutta fretta,
ando' cazz' s'appuggiaj?
Proprj 'ncoppa a na purpett',
che sfurtuna, ohi che guaj.

Proprj tann', er' affamat',
la furcin' era partut';
na purpett' avea puntat'
e lu grill'... fuj f'rut!

Crì ... crì ... crì, mamma che pena,
nun cantava ma chiagneva.
Pov'riell'... che sapeva
r' furnì rint' a na cena.

Beli' mij, tu chier' aiut?
Tropp' tard' hai cantat':
mo, so tant' r'spiaciut'
ma ormai t'aggj 'nz'ppat.

E "crì crì" fuj mangiat':
nu vuccon', in tutta fretta
ammischkjat' a la purpetta
p' sta fama disgraziata.

Tu che dici? Che n' pienz'?
T'è piaciut' statu cunt?
Mo nun perd' la pacienz':
la morale t' la cont'.

Se nu juorn', aiut' vuoi,
quann pass' qualche guaj,
chiama fort, allucc... strill'
o la fin' fai r' lu ... grill'.