'' NEVE A VALLATA '' di Gennaro Ciampolillo

NEVE A VALLATA

_______________________

Car’ la nev’ e mena lu pul’vin’
ra jèr’ nott’ fin’ a stammatin’;
'miezz’ a la chiazz’ , manc’ 'nu cristian’,
s’ ver’ sulament’ qualche can’.

Vac’ andò Michel’ p’ leggj lu giurnal’
ma cu’ la nev’ nun pass’ lu pustal’;
Giann’ stàje chiurenn’…nun ci stann’ client’,
e r’ lu mal’ tiemp’ s’ lament’.

Stàje unu sul’ , sott’ a lu munument’:
“Uaglioò “ allucc’ , “aspiett’ 'nu mument”.
“Sciamm ‘ a lu bar, pigliàmicj na cos’.”
E’ Gaitan’…Gaetan’ Pelòs’”.

Trasimm’ allor’ a lu bar di “Wanda”
ma pur’ quir’ è quas’ vacand'.
'Miezz’ a la via , mò , pass’ Rocchin’,
precis’ cum’ facj ogne matin’.

Puntuale, cum’ fuss’ n’orologio
e scenn’ chian’ chian’ p’ San Giorgio;
ohi che silenzio, manc’ n’auciell’ vol’,
sul’ Gerardo pass’ cu’ la carriola.

Pass’ cu’ Gaitan’ n’atu quart’ r’ora,
e vac’ p’ la frutt’ andò Teodor’;
Fiorenzo arriva cu’ la “cam” in mano,
stàje filmann’ la neva a la Funtan’.

Rind’ andò Teodor’ cu’ li mandarin’,
stàje lu frat’ , parlann’ a Severin’;
fazz’ la spes’ e m’alluntan’ in frett’,
Saverio mi ferma e dice :”Aspetta!”.

E mi consiglia, pronta, 'na ricett’;
li fung’, cu' la past’ e r’ purpett’,
“Po’ viv’t’ , m’ ricj, pur’ lu vin’
e futtatenn’ r’ nev’ e pul’vin’.

E pure NIKE coperta da un velo,
di neve bianca guarda verso il cielo,
tutta bianca sembra 'na riggin’
che sfida il freddo cu' lu pul’vin’.

Tutta janca, Vallata mo’ è chiù bell’,
di nero sulament’ qualche ‘mbrell’,
nessun motore sient’ a la Funtan’
ma lu ‘nduon’ appen’ r’ qualche campan’.

R’ scol’ stann’ chius’, stàje lu n’von’;
p’ li uagliun’ è semp’ n’emozion’;
spunt’n’ a poc’ a poc’ , in cumpagnìja
e min’n’ pall’, p’ giuoc’ e alligrìja.

Vola p’ l’aria 'na palla, ma è jacciat’
e coglj a unu cum’ a 'na sckiupp’ttat’;
quir’ s’aggir’ cu lu cappiell’ ‘man’
e allucc’:”Chi è 'stu figlj r’ puttan'?”.

Li cacciafum’ ra cimm’ a li titt’,
mann’n a l’aria addor’ r’ suffritt’;
lu prufum’ arriv’ a lu ciriviell’:
carn’ r’ purc’ cu li pipiciell’.

Io torn’ a casa, jocca tropp’ fort’,
appiccj fuoc’, chiur’ funestr’ e port’
e mentre stong’ al caldo del camin’
penz’ a la nev’ ca car’ stammatin’.


Gennaro Ciampolillo

__________________________________________

Pagina Precedente Indice Home