Vallata una voce indipendente, notizie storiche,novita` e curiosita`.

'' SANT’ANTUON' '' di Gennaro Ciampolillo

SANT’ANTUON'.

Tras’ scinnar' e port’ li faùn’
a metà mes’ , quonn’ è Sant’Antuon’;
p’ r’ vìje e r’ chiazz’ r’ Vaddat’,
ci stann’ r’ fascin’ accatastat’.

E li uagliun’ ormai ra tanta juorn’
vann' circann’ lèven', tuorn' tuorn'
a la gent’ ca àbbit’ vucìn’
ca caccia tàvel’ ra rind' a r’ cantin’.

Quest’ è 'n’usanza nostra, tand’ antic’
cu sti fuoc’ ca stann’ in ogn’ vic’,
p’ ringrazià' lu Sant’, ben’ o mal’
ca è lu prut’ttor’ r’ l’anemal'.

'Stu Sant’ ca è nat’ nell’Egitt’,
(‘ncopp' a li libr’ r’ la chies’ è scritt’ )
ci uard’ r’ la Terr' lu raccolt’,
a vot’ poc’ e cert’ vot’ molt’.

Lu tiemp’ è fridd' e pur' malament’,
stàje la neva ‘nterra e la turment’
ma li cristian’, viènen’ a 'st’ fiamm’;
li patr’ cu’ li figlj e cu’ r’ mamm’.

Ropp’ la mess’ e la prucission’,
la gend’ s’abbucin’ a lu faòn’;
chi cu’ la carna, vol’ fa lu cuoc’
e chi , cu cart’, invec’ appiccia’ fuoc’.

Pe' l’aria , murtarett’ e mill' truon’
ma ‘nterr’ so’ scatedd’ r’ faùn',
e mentre so' ghiacciat’ coss’ e man’,
sott' a ru fuoc’ arrust’n’ patan’.

Arriv’ unu cu’ lu rucanett’,
sunann’ tarantell’…vuo’ scummett’?.
Lu fridd’ , rimm’ tu , mo’ chi lu sent’
si ball’ e cant’ assiem’ a tanta gent’.

Gia’ è passata pur’ mezzanott’,
spar’n' a l’aria ancora tanta bott’,
la fiamm’ è diventata tutta vrace
e nùje stam’ call', in santa pace.

Birr’ e tropp’ vin’, qua scurr’n' a fium’,
r’ vamp’ vann’ ‘nciel’ e senza fum’,
nun manca proprj nient’ a 'sta serat’ :
nucj, castagn', furmaggj e subbr’ssat’.

Pur’ si jocca …s’apr’n’ li ‘mbrell'
e chi s’ mov’ si cuocin’ l’agnell’,
qualcun’ spara ancora quatt’ truon’;
che addor’ r’ salziccchj …tropp’ buon’.

Io m’arr’tir’ e dic’ chian’ chian’:
“Buona nott’ uagliù’ e a duman’,
pero’ stat’v’ attient’ cu' 'sti truon’
pur’ s’ v’aiut’ Sant’ Antuon”.

Gennaro Ciampolillo

__________________________________________