'' DIVORZIO '' di Gennaro Ciampolillo

DIVORZIO
Cum' a li jurn' e nott'... tal' e qual',
accussì sim' nuj... disugual';
sim' arridutt' proprj can' e gatt',
amma semp' sciarrà p' ogne fatt'.

Tutt' r' vot' ca voglj ricj sì,
subb't s'oppon' ca nun è accussì,
po' si p'cas', songh' io a dicj no
essa adda ricj si... ma che ne so.

A la vacanz, voglj la muntagn'
ma là, ricj ca chiov' e ca s'abbagn'
e m' prupon' semp' lu stess' mar'
pur' si nun mi piac' e costa car'.

Vac' a piglia r' mel', quer' ross'
ma quann' torn' l' vienin' r' moss',
allucc', s'arraggia e pur' sball':
vulev' sulament' quer' giall'.

A miezz juorn, quann' io m'assett',
circann' nu' piatt' r' spaghett',
la vir' r'arrivá' ra la cucin'
e mett' a tavul' duj tagliulin'.
 		E accussì ra la matin' a sera
so' sul' sciarr', p' me, cu sta mugliera,
mai na cosa andò sciam' raccord'
o ci n' foss' una ca si scord'.

Po' la nott' 'quann' sciam' a liett'
ten' st'pat' l'ultim' rispiett':
appiccj io la luce e legg' lu gìurnal
essa la stuta ... l'uocchj fann' male.

Mò so' spusat' ma si esc' matt',
cu nient' lu strazzass' stu cuntratt;
quir' ca lu divorzio cost'assai
ma io lu facess' già ra crai.

E pens' a quiru juorn, 'ncopp' a l'altar'
assiem' a l'invitat' e li cumpar':
ij ca riciett' sì e essa, che ne so
cum' fece a nun risponn' ... «NO».
 
Gennaro Ciampolillo

__________________________________________

Pagina Precedente Indice Pagina Successiva
Home