''Mogli e Poesie'' di Gennaro Ciampolillo

MOGLI E POESIE
Vuless' scriv' na vot' na puisia
ma cum' fai cu sta mugliera mia;
è stata ferm' e calm' fin' a prim'
ma appen' ca m'assetti a fa na rim',

la sient' r' chiamà ra la cucina;
l' serv' ru latt' o vol' la farina
o par' ca l' manc' quas' tutt':
ru pan', lu vin', ru sal' e lu pr'sutt'.

Scapp' a fa la spes', curr' a lu m'rcat'
e vir' se qualcos' t'è scurdat'
ma vist' ca t' trouv', va' a la post',
staj na bullett' ... manc' a farl' appost'.

Io vac' e lassa sta pena' e quadern'
p' nun sintì l'allucc' ... è l' infern'
e mentr' accatt' doj coca col
m' scorri' ra la ment' r' parol'.

Torn' surat' e stanc' a casa mia,
m'assett' a cuntrulla' la puisia
ma essa s'avvicin' e sai che dice...
ca scorr' l'acqua ra la lavatrice. 		Alz't ancor' e lassa sta li vers',
nun trov' qualche cos' ca s'è pers',
po' facj segn' cu lu rit' a l'arij;
s'avessa pul'zza' lu lampadarij.

Mi ferm' e aspett' fin' a mezzanott'
sp'rann' ca s'addorme e bonanott'
ma mentr` scriv', m' chiam' tutt' a un tratt':
«Uaglioo`» allucc'e lu cor' vatt'.
Io corr' e pens' ca nu staj bon',
ca ten nu malann', nu fr'von'
invec' è sul' n'ata la ragion';
ricj ca sent' sbatt' nu balcon.

N'rvus' torn` a la scrivania
e guard' a sta pov'ra puisia;
pensav' ca assev' na b'llezz'
invec' eccola qua... è na schifezz'.

È inutile allor' ca m'addummann'
pecché p' na puisia ci mett' n'ann';
per farne una bella, tutta scritt'
serv' pacienz' ...e la mugliera citt'.
 
Gennaro Ciampolillo

__________________________________________

Indice Home Pagina Successiva