'' Lu Vracier. '' di Gennaro Ciampolillo
Lu Vracier

Lu Vracier.

Na vota, a viern, quann era fridd,
ci steva acqua , neglia, neve e viend;
trimavan li riend a li cristian',
murevin r' fam' pur li can'.

Nui criatur p' fa tanta sciuc',
accucculat assiem ntuorn al fuoc,
o vicin a nu vracier ci stringemm
e la cuiet , per ore ci n' stemm.

E menumal ca steva la carvunell'
ca c'infucav appen na cammarell'
ma pur' a casa r' ogne puviriell,
vullev' , chian chian, lu pignatiell.

Nun facev'm cas' si nun c'era nient
picche' lu stess er'm cuntent
cu dui fasul o r' castag cott
passamm la s'rat e...bona notte.

E po' , p' passatiemp' , in cumpagnij,
ohi quanta cunt e quanta fissarij
sintemm ra la mamm e mammanonn
finche' chiuriv l'uocchi p' lu suonn..

E quann po' vinev lu papagn,
e già si rifriddava la fucagna,
un' a la vota scev'n a curcars'
tutt' cuntent senza lam'ntars'.

Passavan li misi e la virnat
rind a r' cas, tutt arravugliat;
ra fore stev semp lu mastriell,
usat ' p' acchiappa' pur' l'aciell.

Mi torna a ment quiru fuculiere,
purtann'm al passat' cu piacere
e se trascorsi ore accussí bell,
ringrazio lui e la furnacell.

Non so se meglj osce oppur aier'
ma chi s' lu ricord lu vracier'?.
Meglj li cuntariell ntuor a ru fuoc'
oppure un bel tablet cu li sciuoc'?.

Nu fatt è cert e ne son cunvint'
ca quann è viern' e s' staj rind',
ogne criatur', senza cuntariell',
sembra chiu' sul', cu sti cusariell'.


 
 		 

Gennaro Ciampolillo

 

__________________________________________

Pagina Precedente Indice Pagina Successiva
Home