''Neve a Vallata.'' di Gennaro Ciampolillo

Neve a Vallata.

Car' la nev' e mena lu pul'vin
ra ier nott fin' a stammatin;
miezz a la chiazz, manc' nu cristian,
s' ver' sulament qualche can'.

Vac' ando' Michel', p' leggj lu giurnal
ma cu la nev nun pass lu pustal;
Giann staj chiurenn, senza nu client,
e r ' lu mal tiemp s' lament.

Staj un' sul' , sott a lu munument:
"Uaglioo' - allucc-,"aspiett nu mument".
"Sciam a lu bar, pigliamicj na cos".
È Gaitan'...Gaitan Pelos.

Trasim allora a lu bar r' Wanda
ma pur' quir è quas' vacand.
Miezz a la via, mo', pass Rocchin,
precis, cum facj ogne matin'.

Puntuale, cum' fuss n'orologio
e scenn chian chian p' SanGiorgio;
ohi che silenzio, manc' n'auciell vola,
sul' Gerardo pass cu' la carriola.

Pass cu Gaitan n'atu quart r'ora
e vac' p' la frutta ando' Teodor';
Fiorenzo arriva cu la cam in man';
staj filmann la nev a la Funtan'.

Rind ando' Teodor ,cu li mandarin,
staj ncappucciat sul' Severin;
fazz la spesa e m'alluntan in fretta,
Saverio mi ferma e dice :"Aspetta".

E mi consiglia, pronta, na ricetta:
Li fungh cu la past e la purpetta,
"Po' , vivit" - mi ricj- pur' lu vin
e futtatenn r' nev e pul'vin.

E pure Nike, coperta da un velo
di neve fresca, guarda verso il cielo,
tutta bianca, sembra na riggin'
che sfida il freddo cu lu pul'vin.

Tutta janca ,Vallata, mo' e chiu' bell,
di nero sulament qualche 'mbrell,
nessun motore sient a la Funtan
ma lu 'nduon appen', r ' na campan'.

R' scol' stann chius', stai lu n'von;
p' li uagliun è semp n'emozion,
spunt'n a poc a poc in cumpagnij
e min'n pall', p' giuoc, in allegrij.

Vola p' l'aria na palla ma è jacciat
e coglj a un' cum a na skiupp'ttat;
quir' s'aggir' cu lu cappiell 'man'
e allucc: "Chi è stu figlj r' puttan".

Li cacciafum ra cimm a li titt,
mann'n a l'aria addor r ' suffritt;
lu prufum arriv a lu cirviell:
carn' r ' puorc cu li curniciell.

Io torn a casa, jocca tropp fort,
appiccj fuoc , chiur' funestr e port
e mentre stong al caldo del camin,
penz a la nev che car' stammatin.
 

Gennaro Ciampolillo

 

__________________________________________

Pagina Precedente Indice Pagina Successiva
Home